Kāpeka: Ka kite a Kirihaehae rāua ko Tama i a Uncle Huri rāua ko Uncle John Boy e keri ana i te kāri me te mahi i te wairākau. Whuuuuu te piro! Ka karanga atu a Tama.
Tama:
Kia ora Uncle Huri.
Huri:
Kia ora e Tama. E pēwhea ana?
Tama:
E pai ana Uncle. He pātai tāku Uncle.
Huri:
Ka pai e Tama. Pātai mai.
Tama:
Uncle, ka pēwhea tā mātou puta i te pōharatanga?
Kāpeka: Ka tiro ohorere atu a Huri ki te tokorua nei. He tūru roa kei te taha o te kāri. Ka noho a Huri rāua ko Tama ki te kōrero.
Huri:
Hmmmm, he aha koe e pātai nei i tēnā pātai?
Tama:
He pēnei Uncle, kāore au i te pīrangi hoki te mōtēra noho ai. Engari e mōhio ana ahau, kāore mātou e taea te noho ki te Marae nei mō ake tonu atu.
Huri:
He tika tāu boy, kāore koutou e taea te noho ki konei mō ake tonu atu. E haere mai ana te wā me puta koutou.
Tama:
Nō reira, he aha he huarahi e puta ai mātou i te pōharatanga?
Huri:
Ko te huarahi tika hei whai mā koutou i tēnei wā, ko te noho tahi i raro i te tuanui kotahi, arā, ko te whiwhi kāinga mahana, kāinga maroke kia kaua e kino kē atu te māuiui o Johnny. Engari i mua i te whiwhi kāinga pērā, me whiwhi mahi ō mātua, me whiwhi tautoko mai i te kāwanatanga.
Tama:
Koinā te mahi a Aunty Pip nē Uncle, koia te kanohi tautoko a te kāwanatanga.
Huri:
Āe rā boy. Koia. Ko tā mātou mahi i te Marae nei, he manaaki i te tangata ahakoa ko wai, ahakoa nō whea. He nui ngā tāngata kei te pīrangi āwhina i a koutou. He nui hoki ngā tāngata o te tāone nei e noho pōhara ana, e noho kāinga kore ana.
Tama:
Uncle, he aha te take he tino uaua mō ngā whānau i tēnei wā? Kāore au e pai ki tēnei oranga!
Kāpeka: Kātahi ka kite a Huri i a Koro Tame e haere mai ana. Ka pōwhiringia ia kia noho i tō rāua taha.
Huri:
Kia ora e Tame! Anei Tama, mā Koro Tame pea āu pātai e whakautu.
