2. Te Whare o Kiri rāua ko Tama

Koinei te whare o Kiri rāua ko Tama i Te Puea Marae.

I te kāinga a Joy e whakatikatika ana i te whare. Ahakoa kua whai whare te whānau, kei te pōuri tonu a ia. He nui ngā toimahatanga kei runga i a rāua ko Tame. Ka kite a Kiri i tōna māmā e tangi ana ki runga i tana moenga.

“Māmā, kaua e tangi. Kua whai whare tātou ināianei. I kī mai a Uncle Huri kāore ia e pana i a tātou ki te kore ahau e mahi i taku moenga.”

Ka kata a Joy, i te mōhio, he pōhēhē nō tana kōtiro ko ia kē te take i te tangi ia. Ka kumea e Joy a Kirihaehae ki tana poho ka kī, “Ka pai taku kōtiro. Mahingia tō moenga, kātahi ka haere tātou ki te wharekai kai ai.”

E rua ngā rūma o tēnei whare. Kei te tūārongo o te whare te rūma horoi. He whareiti, he hīrere anake. Kāore he puna kaukau. Kei te taraiti o te whare he kāuta iti e taea ai te wharite kaputī. Engari kāore kau he umu, he pouaka makariri, he ngaruiti rānei. E ono ngā moenga kei roto i te whare. Ko ngā moenga o Kirihaehae rāua ko Tama e pātata ana ki te kūaha, kei te taha katau ina kuhu ai koe ki roto i te whare. Kei te piritahi ngō rāua moenga.

Kāore rāua i te pīrangi kia moe wehewehe rāua. He pai ki a Kiri te moe pātata ki te kūaha i te mea ka taea e ia te tere puta ki waho ki te hāereere. Kāore e pai ki a ia te noho noa iho mō te wā roa. Engari anō tana māhanga, a Tama, he pai ki a Tama te noho ki te kōrero me te pānui.

Ko te moenga o Johnny kei te kokonga o te whare, e pātata ana ki te rūma horoi. He tamaiti māuiui a Johnny. I te taenga mai o te whānau o Kirihaehae, i te maremare rātou katoa. Engari he mate huangō a Johnny, nō reira ka kino kē ake tōna rewharewha. I te nuinga o te wā, ka noho kāinga a Johnny i te taha o māmā i te kino o tana māuiui.

Ko ngā moenga o Annie rāua ko Hine kei te taha mauī o te whare. Ko te moenga o Joy rāua Tame kei te rūma moe. He wahakura kei runga i tō rāua moenga mō baby Bella. Kikī katoa ana tēnei whare i te moenga. Kāore he tūru mō te noho. Kāore he tēpu mō te kai me te mahi. Kāore hoki he pouaka whakaata, he rorohiko rānei. He moenga, he tueke anake e uru.

Ka oti i a Kirihaehae te mahi i tana moenga, ka tīkina e Joy a baby Bella, kātahi rātou ka haere ki te wharekai parakuihi ai.

1 2 3 4 5 6

Rauemi kaiako

Hoki ki te Marae

He mea whakarite tēnei rauemi i raro i te whakaaro tahi me te mahi tahi me Te Puea Marae, otirā, te rōpū whakahaere i te hōtaka Manaaki Tāngata. He mihi mutunga kore ki te Tiamana o te Marae, Hurimoana Dennis me te rōpū Manaaki Tāngata. E whakamānawa ana mātou i te māia o tēnei rōpū ki te tautoko i ngā whānau kia whiwhi kāinga ai rātou, kia tū pakari ai rātou i roto i ngō rātou ao, kia whai oranga ai ngō rātou whānau i roto i ngō rātou hāpori huhua.

E whakamihi ana ki ngā whānau kei te noho rawakore, me ngā rangatahi i whakaae mai kia kōrero tahi ai me ngō mātou kairangahau. E kore e mutu ngā mihi ki a B kōrua ko TA – he nui ngā akoranga kei roto kei ngō kōrua kōrero mō te tū māia, me te tū kaha ahakoa te aha, whakamiha kau, tēnā kōrua.

Ki ngō mātou kairangahau, ngō mātou kaituhi, ki a Hinemaia Tofi rāua ko Dr Raukura Roa, tēnā rawa atu kōrua e mārama nei ki te ngako o te kaupapa me tā kōrua ū, me tā kōrua whakaaro auaha kia puta hōu mai ngēnei kōrero e rata ai te taringa rangatahi.

Tēnā rā koutou, ngā reo wainene kua hopukina e rangona ai a taringa i te wairua o ngā kōrero: Raukura Roa, Hinemaia Tofi, Siaosi Tofi, Eruera Lee-Morgan, Tinihuia Lee-Lemon, koutou ko Scarlett Morgan.

Ki te ringa toi, Toby Morris, tēnā koe i tō ngākau nui kia tukua ō tuhinga mō "B – He Kotiro Māia" me "Te Noho Tiriti", me ngō tuhinga mō te paetukutuku nei, e mihi ana e hoa.

Ki te ringa toi, Ant Sang, tēnā koe i ngō pikitia mō ngā whakaari "Te noho tiriti".

Ki te rōpū rangahau Ngā Wai a te Tūi, ki ngā ringa toi hoki o Cognition Education, tēnā rawa atu koutou e whakairi nei i ngēnei kōrero rangatira ki te paetukutuku reo Māori hei taonga mō ngā whakatupuranga.

For images appearing in Te Pakanga, thanks are due to the following sources.

Auckland City Art Gallery for:

A view of Queens Redoubt, Pōkeno, headquarters of General Cameron, and the encampment on the banks of the Waikato River, circa 1863, creator unknown, image number 7-A383
A sketch of the fight at Rangiawhia (now Rangiaohia) by J A Wilson showing the engagement for the recovery of McHale's body, image number 7-C2
Looking east from the naval camp at Mangatāwhiri Stream, showing the Koheroa
redoubts, by Richardson, James D and Beere, D, circa January 1864
Painting of the Ihumatao Mission Station, by Elizabeth Forsaith, Sir George Grey Special Collections, dated 1855, image number 4-1252

Alexander Turnbull Library for:

Williams, Edward Arthur, 1824-1898. Illustrated London News. The war in New Zealand; the gun-boat Pioneer at anchor off Meremere, on the Waikato River, reconnoitring the native position / E A Williams. London, Illustrated London News, 1864. Ref: A-110-006. Alexander Turnbull Library, Wellington, New Zealand. Records/22696423
Heaphy, Charles, 1820-1881. Heaphy, Charles, 1820-1881: Mere-Mere from Whangamarino Redoubt. Ref: C-025-011. Alexander Turnbull Library, Wellington, New Zealand. Records/23138553
Kinder, John, 1819-1903. Photographer unknown :Prisoners of war taken at Rangiriri New Zealand, escaped Sept.r 1864. Dec. 1863. Ref: E-395-037. Alexander Turnbull Library, Wellington, New Zealand. /records/23010193
Heaphy, Charles, 1820-1881. Heaphy, Charles, 1820-1881: Naval attack at Rangiriri 1863. Ref: A-145-004. Alexander Turnbull Library, Wellington, New Zealand. Records/22571035
Illustrated London News. Artist unknown. Orākau Pā, taken by British troops, April 22nd 1864. Derived from the Illustrated London News, 30 July 1864. Ref: A-134-012. Alexander Turnbull Library, Wellington, New Zealand. Records/23025250

Rauemi kaiako

He Mihi

Auckland City Art Gallery for:

Alexander Turnbull Library for: